ⓘ Yvonne Cherrie

                                     

ⓘ Yvonne Cherrie

Yvonne Cherrie ni mshindi wa tuzo ya ZIFF akiwa kama mwigizaji bora wa filamu na mifululizo ya vipindi vya televisheni kutoka nchini Tanzania. Pia ni mtunzi wa muswaada andishi, mtayarishaji na mwongozaji wa filamu. Anafahamika zaidi kwa jina lake la uhusika uliompatia umaarufu kama "Monalisa". Vilevile Lulu katika tamthilia ya Siri ya Mtungi. Cherrie, alianza kuonesha upenzi wa kuigiza tangu akiwa mdogo. Akiwa na umri wa miaka 8, alianza kuigiza akiwa kanisani na baadaye shuleni.

                                     

1. Wasifu

Maisha ya awali

Cherrie, alizaliwa katika hospitali ya taifa Muhimbili huko mjini Dar es Salaam, Tanzania na Bi. Susan Lewis almaarufu Natasha, akiwa kama mtoto wa kwanza kati ya watoto wawili aliojaaliwa kupata Bi. Lewis. Alianza kusoma shule ya chekechea huko mjini Luanda, Angola, na baadaye shule ya msingi ya Muungano ya Wilaya ya Temeke huko jijini Dar es Salaam kuanzia 1988 hadi 1994.

Akabahatika kufaulu na kuendelea na masomo ya sekondari katika shule ya serikali ya Zanaki Girls hadi mwaka 1998. Baada ya hapo alisoma katika chuo cha Uhazili Magogoni ukatibu muhtasi-secretary. Mwaka wa 2002 alijiunga na British Council Tanzania ili kusomea zaidi lugha ya Kiingereza Pre-Advanced Level Mwaka wa 2003-2005 alijiunga na Wilnag Media Taining College huko mjini Nairobi, Kenya na kusomea masuala ya vyombo vya habari na kupata stashahada Diploma in Mass Communication.

                                     

2. Kazi

Cherrie, pia ni mwigizaji wa jukwaani. Amepata kushiriki katika sehemu mbalimbali ikiwa ni pamoja na Tamasha la 18 na 19 la Sanaa na Utamaduni la Bagamoyo - katika Chuo Kikuu cha Sanaa cha Bagamoyo. Pia amewahi kutumbuiza katika jukwaa la ZIFF huko mjini Zanzibar mnamo 2002. Ambapo aliigiza kitabu cha Kirusi kiitwacho "Mkaguzi wa Serikali" Gorvernment Inspector.

Utumbuizaji wake mkubwa akiwa kama binti mdogo anayehangaikia kuliweka sawa penzi lake dhidi ya wapenzi wawili mnamo 1998 kupitia igizo la "Mambo Hayo" - ambamo alipata jina la Monalisa. Baadaye akarudia tena kazi yake ya uigizaji kwa kucheza uhusika wa jukwaani wa" Government Inspector” 2001 ikifuatiwa na" Zawadi ya Ushindi” 2002 kabla ya kuanza kuonekana tena rasmi katika filamu kibao.

Baada ya kutoka kwenye michezo ya televisheni filamu yake ya kwanza kucheza ilikuwa Girlfriend 2002 aliyocheza kama Zuwena kipenzi cha TID. Huo ndiyo ulikuwa mwanzo rasmi wa mfululizo wa filamu kwani baada ya Girlfriend zikafuata Sabrina 2003, Dilemma 2004, She is My Sister 2006, Binti Nusa 2010, Network 2013.

Pia amepata kufanya igizo la jukwaani huko mjini Nairobi katika "Kenya National Theatre KNT. Akiwa mjini Nairobi, amepata kutumbuiza jukwaani kwa kutumia vitabu vinavyotumika mashuleni nchini humo - ikiwa ni pamoja na kitabu cha KIU na A Man of the People mnamo 2003/2004. Pia alifanyakazi na Carib Theatre-UK akitumbuiza nchini Tanzania kuelimisha wanafunzi mradi ujulikanao kama TIE, yaani, Theatre in Education kwa miaka mitatu mfululizo.

                                     

2.1. Kazi TV

Cherrie, pia alifanya vipindi vya TV kama vile Bongo Movies iliyokuwa ikioneshwa katika idhaa ya EATV. Awali alifanyakazi pia katika kipindi cha bahati nasibu maarufu kama Jackpot Bingo 1999-2001.

                                     

3. Maisha binafsi

Mwaka wa 2001 katika mwezi wa Agosti aliolewa na Mtayarishaji/Mwongozaji wa filamu kutoka nchini Kenya George Otieno Okumo Tyson na kubahatika kupata mtoto mmoja aitwaye Sonia Akinyi 2002. Mwaka wa 2005 walitengana na 2012 akapewa talaka rasmi na mahakama. Mwaka wa 2007, alibahatika tena kupata mtoto mwingine wa kiume aitwaye Sean Abdulwahid Jr. - kutoka kwa baba mwingine aitwaye Abdulkarim Abdulwahid Abdulkarim.

                                     

4. Filamografia

Kama mwigizaji

  • Tell Me The Truth
  • 38 Weeks
  • She is My Sister
  • Pastor Myambas Trial
  • Payback
  • Dilemma
  • Wrong Number
  • Girlfriend
  • Black Sunday ZIFF - 2010
  • Behind the Scenes
  • Cellular
  • Nimeokoka
  • Chanzo ni Mama
  • Binti Nusa 2 na 3
  • Sabrina
  • Who is Smarter
  • Jeraha la Ndoa
  • Where is God
  • Wedding Pressure

Kama mwongozaji

  • Binti Nusa 1. 2008
  • Where is God 2009
  • Kaburi 1 2007
  • Binti Nusa 2 na 3 2010
  • Chanzo Ni Mama 2007
                                     

5. Tuzo

  • Mwigizaji Bora Filamu wa Kike wa Muda Wote 2010 - Jarida la Bab-Kubwa
  • Malkia wa Filamu za Bongo - Gazeti la Kiu 2007
  • Mwigizaji Bora Filamu wa Kike 2010 - ZIFF
  • Mwigizaji Bora Filamu wa Kike 2010 - Filamu-Central

Uteuzi wa tuzo nchi za nje

  • Nigeria Entertainment Tuzo Bora ya Waigizaji wa Afrika Yote kwa 2010 - Kateuliwa tu.


                                     
  • Tanzania. Filamu inahusu muziki na maisha na ndani yake anakuja TID, Yvonne Cherrie Monalisa Beatris Morris Nina Jay Moe, A.Y na King Crazy GK. Filamu
  • mtoto wa kike aitwae Sonia 2002 na muigizaji wa filamu wa Tanzania Yvonne Cherrie Monalisa. habari za kifo cha Tyson Archived Machi 24, 2015 at the Wayback
  • ya Mtungi, ilIYokuwa na nyota kama Cathryn Credo, Beatrice Taisamo, Yvonne Cherrie na wengine. tamthilia ambayo ilichaguliwa kama tamthilia bora katika
  • kutoka Marekani 1970 - Fat Joe, mwanamuziki kutoka Marekani 1981 - Yvonne Cherrie mwigizaji wa filamu kutoka Tanzania 1297 - Mtakatifu Ludoviko askofu
  • Ray William Johnson, mwigizaji wa filamu kutoka Marekani 19 Agosti - Yvonne Cherrie mwigizaji wa filamu kutoka Tanzania 4 Septemba - Beyoncé, mwimbaji